يا حبيبي بعد الإنتظار
الدنيا جت صالحتني بيك
إنت الأمان وبإختصار
لو كله مال بسند عليك

إنت اللي بيك إحلو عمري
ومهما يجري
أنا بلقى كل حلول مشاكلي
لمّا بس بشوف عينيك
أنا كنت مين قبل
أما أشوف عينك وألين
قبل أما تيجي
تنوري قلبي وتمليني بحنين

دا بكلمتين بتهوني الوقت الحزين
يا حبيبتي وأما بتضحكي
بتحلي في عينيا السنين

يا سبب فرحتي
يا مقاسمني سكتي
بتقويني في دنيتي
وأنا جنبك مش هميل
أنا ليك بنتمي
يا آخري وأولي
ولا حاجة بتهمني
طول ما أنا شايفاك بخير

مش بعرف أوصف فرحتي
لمّا تغازلني بالكلام
وكفاية عندي إنك شايفني
أهم واحدة ومن زمان

دايما بشوفني
في عينك الطفلة البريئة
حنيتك خلتني
أحس بكل تفاصيل الإهتمام
الناس تفوت
وإنتي اللي ثابتة بدون شروط

سكني وأماني وملجأي
فاهماني حتى في السكوت
مالكيش شبيه
طمنتي قلبي وعيشتي فيه
هادية وبريئة وطيبة
وكفاية بس عينيكي دي

يا سبب فرحتي
يا مقاسمني سكتي
بتقويني في دنيتي
وأنا جنبك مش هميل
أنا ليك بنتمي
يا آخري وأولي
ولا حاجة بتهمني
طول ما أنا شايفاك بخير