آهات من طول العنا طاولتني
ونفسي من الفرقا وحالي سخيفة
جارت علي من الفراق وقصتني
غزت ولكن ما نوت بالنكيفة

بهمومها اللي شفت منها كوتني
هذا الذي خلى حياتي مخيفة
باكر يروعني وأنا فيه فتني
وأقول ليت الغيب يبخل بحيفه

خيل السعادة بالهوى خالفتني
خالفت معها عيد قلبي وريفه
هبت هبوبٍ بالنيا عطشتني
وكم غاليٍ قبلي ظمأ من وليفه

ليت الليالي عن غرامي نهتني
ولا بدا زرع الأمل منك هيفه
ولا إنها في غايتي خيرتني
واختار أنا مرباع قلبي وصيفه

خلاً جيوشه بالمحبة غزتني
وأنا أسير للعيون العفيفة
أغلى هجوس طول الأيام جتني
هاك الهجوس اللي تجيني بطيفه

الماضيات بغيبها ما أنصفتني
والمقبلات أرجي عدلها خريفه
أتبع ظنونً بالهوى ما شفتني
أحسب حمولي بالمحبة خفيفة

واليوم ظالمة المحبة طوتني
طي الورق يوم انطوى به خريفه
وأشباح ياسي بالهموم اعترتني
وأنا علي أسباب صدك كليفة

أشيل حتفي راضيٍ فوق متني
وأروح نفسي من حياتي معيفة
وأقول للي بالجفا عذبتني
عسى الشقا من بيننا بالنصيفة

وأقول للي بالجفا عذبتني
عسى الشقا من بيننا بالنصيفة
شربت من فيض الشقا وأشبعتني
دنيا مع الأحزان ضدي حليفة