الله أقوى ليه خانتني الظروف
ما هقيت الليل ما يوفي الوعد
ماتت الفرحة وأنا بعيني أشوف
حارت أقدامي وقلبي في جلد

هي وأنا في ظلمة الليل وقوف
القمر شاهد ولا غيره أحد
القدر قاسي وفينا ما يروف
تسأله عيني وعينه ما ترد

لهفته لي مثل قلبي له شغوف
له عنيت وأوفيت أنا له بالوعد
سلهمت عيني بها رجوى وخوف
ليلنا جانا بعكس اللي نود

منوة الظامي من نهر الرشوف
يا بخت من شاف وافاه السعد
يا سراب ولو مسكتك بالكفوف
لو شربت أظمى وهي تظمى بعد