يوم شفتك خفت من عيني عليك
من كثر سحر العيون الناعسات
كن حسن الكون كله بين يديك
ألتقت بين الرموش الساحرات

في عيونك شي يا عمري يبيك
في حياتي لك يا روحي حياة
لا تلوم اللي تولع حيل فيك
غير شوف العين لا ماله سواة

من جمالك هزني كل شي فيك
من عيون وجيد وأهداب وشفاة
لك بنار الحب قلبٍ يرتجيك
ولي عيونٍ في دلالك حايرات

لا دلالٍ ولا جمالٍ معتليك
فوق مدلول الحلى حلو الصفاة
إن بعدني الشوق يجربني أجيك
وإن لمحتك أذكر الله في سكاة