طيارة الساعة خمسة
والناس مسافرة وشنط كتيرة
وأنا بين وداع بالدموع
ودعا بالرجوع ونظرات أخيرة

أنا كنت واخد قراري
ما أنا لازم أجري على أكل عيشي
وحبيبتي قولتلها سنة بالكتير
فشلت عيشي

يا غربة
يا غربة يا بعيدة
رايح لبلاد جديدة
ووشوش غريبة عليا
ودمعتين في عينيا
وربنا يقدرني
ماهو وحده عالم بيا

الوحدة وأربع حيطان
وتفكير في بكرة وأنا مين معايا
طب لو هفضفض وأشكي أفضفض لمين
لروحي في المراية

الله يسامح الظروف
ما بتجيبش فرح قد المواجع
وبقول دول هم يا دوب كام سنة وأرجع

يا غربة
يا غربة يا بعيدة
رايح لبلاد جديدة
ووشوش غريبة عليا
ودمعتين في عينيا
وربنا يقدرني
ماهو وحده عالم بيا