يالواثق اللي قبلته تخطف ألباب
تملا العيون وتروي كبود ونفوس

تمشي والأرض تعد وتحسب لك حساب
وكلما ارتفع مرقاها يحلالك الدوس

سيرتك ترفع روس وتدسم أشناب
وكلمتك مثل السهم لا فارق القوس

ويمناك لا نعدمها كم عشت ذياب
وكم حجمت نفس نفش فيها طاووس

ما لوم فيك الريم وتلعات الأرقاب
وشوق العذارى اللي حواليهن حروس

وإنت جبل متشيد إركون وأطناب
فارع مقام وأصله ثابت ومغروس

توقف شموخ وتمشي تتبعك الألقاب
تجلس مهابة وتلتفت صوبك الروس

قدرك سما وإن كان ممشاك لتراب
والحر قبل العين تنظر له أنفوس