وجودك حيل أثر بي
ووداني لعالم غير
رسم بعيوني الفرحة
وغير كل خطواتي

بديت أشعر بأني حي
تغير فيني التغيير
كأني اف ديرة ظلمه
واشعلت انفعالاتي

مشيت وعيني إبكفك
أبي كفك في كفي إيصير
أبي لمسه من حظوظك
عشان اقرى احتمالاتي

وشوفك في السما نجم
لأني في سماك أطير
يأول من عطاني اجناح
عدى كل خيالاتي

تصدق إني لا شفتك
حمل مني يطيح اكبير
وأسلم عالمي عيونك
وتكبر كل حكاياتي

أنا ويني يا أجمل حب
عجزت افهم أبي تفسير
عيونك ليه ودتني
بعيد هناك في ذاتي

أبي باكر وابي الحاضر
أبيك آنته يوقت الخير
وإذا اشرق علي بوحك
أبيك ترتب إسكاتي

يا ليت الوقت يرجع بي
وأغير واقعي ونطير
في دنيا غير هالدنيا
معاك أرسم بداياتي