محري بالخير
محري بالخير يا مزنً نشا
ياحلو عقب الوسم رجع السحاب
هل رذراذك على روض الحشا
ربّع بقلب دوام لك شباب
كل زهرً فاح عطره واغتشى
بالرياض وبالنفود وبالهضاب
مانسيتك ياهوى بالي حشا
حبّك بروحي وبالخفاق ذاب
عادني شوق قديم وانتشى
في هواكم مولع ماقط غاب
لو غشاني بالمودة ما غشى
اشتهي فيك الهوى لو هو عذاب
فيك من طبع الظبي ليمن مشى
لين عاود والتفت ثم استراب
يا حلو فزة جفالك يارشا
يوم تسبح بالصحاري في سراب
الهوى معطيك مني ما تشا
في حياتي ياحياتي لاتهاب
ما يفوز الحاسد اللي بك وشى
فيك حساد الهوى ياكل تراب