مبنساهوش
ولا نسيته ولا هنساه
بعيد عني
وحاسه كإني قاعدة معاه

محاصرني وآسرني
وشاددني وهاددني
ملازمني مأزمني
ما يلزمنيش ولا زمني

بحبه مش عادي
نسيني ده العادي
لا إرتحت وأنا جنبه
ولا حتى في بعادي
وليه هو هناك
سيطر على قلبي؟
بعدين يا قلبي معاك
يا عيني يا غلبي

محاصرني وآسرني
وكاسرني وجابرني
مريحني وتاعبني
مفرحني وكائبني

اسألوني في أي حاجه
إلا لسه بحبه ليه
هو اللي جرب كل حاجه
ومش بينسى يعمل إيه

محاصرني وآسرني
معذبني وعاجبني
لا وداني ولا جابني
ولا رجعلي ولا سابني

ولا رجعلي ولا سابني
بحبه مش عادي
نسيني ده العادي

مبنساهوش
ولا نسيته ولا هنساه
بعيد عني
وحاسه كإني عايشه معاه

مبنساهوش
ولا نسيته ولا هنساه
ولسه بحبه
بس بجد مش عايزاه