بين الحب بين ليش تخفيه بصدرك
لو خفيته حبيبي بان في وسط العيون
خلنا في المحبة مثل ليلى ومجنون

حان وقت الصراحة مل صبري وصبرك
لي متى الصمت يبقى والهوى سر مكنون
خلنا في المحبة مثل ليلى ومجنون

ليش تزعل حبيبي وليش مشغول فكرك
دامني في المحبة شايل الهم لك عون
خلنا في المحبة مثل ليلى ومجنون

سرني القرب منك ليت قربي يسرك
ونلتقي بعد غيبه ويهتني قلب محزون
خلنا في المحبة مثل ليلى ومجنون

خلي الناس تدري بأمر حبي وحبك
دام ساس المحبة بالوفا دوم مصيون
خلنا في المحبة مثل ليلى ومجنون