لما بيوحشني
بطلع صورته وأكلم فيه
وأسأله عن حاله
وعن أحواله وعامل إيه
وبقوله وحشتني جداً
وفرقت معايا وفعلاً
مش قادر ع الشوق
ولا عارف حتى أخبيه

ياه ع الدنيا
لما تفكر تعاندنا
ليه على غفلة
عن أغلى الناس تبعدنا
ليه وفي ثانية
تاخد مننا حبايبنا

وتعدي ساعات
وأنا ماسك صورته وبحكي معاه
ما هو أكتر واحد
أنا بعرف أفضفض ويّاه

كان أكتر قلب فاهمني
كان دايماً بيطمني
وعشان كل ده
أنا مش ممكن أبداً أنساه

ياه ع الدنيا
لما تفكر تعاندنا
ليه على غفلة
عن أغلى الناس تبعدنا
ليه وفي ثانية
تاخد مننا حبايبنا