إديتك فرصة أخيرة عشان تنسيني ومقدرتيش
إديتك قلبي عشان ترتاحي في حضنه ومرتاحتيش
إديتك عمري عشان تعيشيه مع عمرك معرفتيش
إديتك حل نهائي أبعد عنك ما بترضيش

إديتك كل الماضي وكل الحاضر والمستقبل
ومخدتش إلا عذابي وغصباً عني لازم هقبل
ما أنا عارفك زي الدنيا بتاخد لكن مبتتديش

إديتك فرصة أخيرة عشان تنسيني ومقدرتيش
إديتك قلبي عشان ترتاحي في حضنه ومرتاحتيش

كتبت بداية القصة وقلت موش هكتب نهاية
وقولت بأي شكل هحاول أكمل الحكاية
ولقيت إنك موش شايفة حد غيرك في المرايا
وأخرتها معاكي أبقى من بين الضحايا

إديتك كل الماضي وكل الحاضر والمستقبل
ومخدتش إلا عذابي وغصباً عني لازم هقبل
أنا عارفك زي الدنيا بتاخد لكن مبتتديش

إديتك أحلى سنين في حياتى مخدتش إلا شقايا
وقلت أنا لو هـ أضحي بإيه عشانك مش كفاية
كان كل همي إن إنتي دايماً راضية وإنتي معايا
أتاري حبي ليكِ من أكبر الخطايا

إديتك كل الماضي وكل الحاضر والمستقبل
ومخدتش إلا عذابي وغصباً عني لازم هقبل
ما أنا عارفك زي الدنيا بتاخد لكن مبتتديش