غنوا لحبيبي وقدموا له التهاني
في عيد ميلاده عساها مية عام
أفرح حبيبي واطلب أغلى الأماني
الليلة يا عمري تناديك الأحلام

ودعت عام وقابلك عام ثاني
تعال نقضي العمر في حب وهيام
إنسى الهموم اليوم واضحك عشاني
والله إبتسامة منك تسعدني أعوام

أحاول أشرح لك بقلبي معاني
والله الفرح نساني هموم وآلام
وأجمع أفكاري ويعجز لساني
من فرحتي معذور والله ما أنلام

إحترت وش أهديك غير الأغاني
وبهديك قلبي اللي معك في الهوى هام
وأطلب من الله يا حبيبي عساني
ما أنحرم من بسمتك طول الأيام