معك طعم المسا غير معك حتى السوالف غير
معك يا حلو تقليب المواجع بين كفينك
تبختر بين دقات الخفوق ونشوة التفكير
ترى كل الحياة أصغر من اللي بيني وبينك

أحس إنك تجي والعشب ينبت والطيور تطير
وأحس إن السحاب يلوح براقه على يدينك
أحس بروعة الدنيا وأحس إن الزمان بخير
وأحسك للحياة أعذب ندا ما إنت بمثل عينك

أشوف الصبح لا شال الشفق هز الظلام عصير
وأشوف الورد يضحك ما بقى إلا ينشدك وينك

أنا اللي نزلك من برجك العاجي وجاك يسير
يمد لك اليمين ولا درى عن لهفة يمينك
وثرك تشوفني في حلمك اللي في رجا التفسير
على ذاك الحصان الأبيض الي في ميادينك

ورا ما ترقص القمرة بقلبٍ خانه التعبير
مثل ما ترقص الألوان في مسرح فساتينك

أبي للناس أسولف بك وأقول اللي يصير يصير
وأحسك سالفه لو سولفوها شوهوا زينك
حشا لو تطري الفرقا ما أعدك على التقصير
عزاي إني ملكت بوقتها عرش أجمل سنينك

يقولون الزمان أغبر وأنا أقول الزمان بخير
مدام اللي سكن في ناظرك ما طاح من عينك