صعب جداً
تبقى شايف قدام عنيك
حد إنته بتعشقه
مليان ألم

صعب جداً
تبقى شايف كل دمعة من دموعه
نزلة حَيره من عينيه من غير كلام

صعب جداً
تبقى واقف بين إيديه
شايف إيديه حَضنه الألم من غير أنين
تبقى مش عارف
تروح فين ولّا فين
تبقى ناسي
حتى إنته تبقى مين
صعب جداً

يا حبيب عمرى وحياتي ونور عينيا
يا أرق ملاك نزل على الأرض ديا

عمرى ما أحلم
إني أشوفك تنكسر يوم وإنت جنبي
دانته روحي ونور حياتي
إنته عايش جوه قلبي

كل ثانية ف عمري فداه نظرة ألم
كل لحظة ف عمري فداه لحظة ندم

مش ح هسيبك
تنجرح تاني ف حياتك
حالف إني أعوضك
كل اللي فاتك

قلبى حاسس يا حبيبى
إني راجع بيك زماني
وإني جوه قلبك إنته
هو ده هيكون مكاني
راجع وشيلك جوه عيني
هسقيك حبيبي من حنيني

يارب عمرى ما أشوف دموع
نازلة تاني من عينيك
تلقى كل الدنيا عندك
جايبه نور الفجر ليك

تلقى فرح العمر جايلك
وبكرة دايماً بيناديك
تلقى كل حبيب لقلبك
حضنه إنته بين إديك

مش ح هسيبك
تنجرح تاني ف حياتك
حالف إني أعوضك
كل اللي فاتك