شفته وكانت ليالي الجرح منسيه
الماضي اللي طويت ف صدري أوراقه
يوم ألتفت لي ونظراته حياويه
ما حركت شوفته في محمد أشواقه

سلمته القلب ذاك الوقت بيديه
يوم إني أسمع نداه بصوت خفاقه
شفته مره وكانت حيل عاديه
وأنا اللي كنت أحسب ألف حساب لفراقه

في وقتها الروح من دونه خلاويه
تصبح بحبه غلا وتنام مشتاقة
واليوم شفته وأنا مستكثر الجيه
ما يدري العين دربي شع براقة
ما عاد جمرة غرامه بالحشا حيه
ذاك أول ولهفتي بالقلب حراقة

لولا الوفا في دروب أحلامنا نيه
ما ضيع الليل وجه الصبح وإشراقه
شفته وكل الليالي السود منسيه
ودعته الله طريق الحب وأشواقه
فرقاه مرت وكانت حيل عاديه
وأنا اللي كنت أحسب ألف حساب لفراقه