عطرك قطع رزق الورد
يالعطرك إنت يجنن
شميتك بأول نفس
ويلي مصيبه ايصفن

سرك ولا عرفه
أتمنى اكتشفه
ابمزاجك يدق قلبي
وبكيفك إنت أتوقفه

امشينه عوف الناس
منريد دوخة راس
خلينا بالجو الحلو
نتغازل بحب واحساس

ترد الروح حضناتك
تذوب الروح نظراتك
شوف بقلبي نبضاتك
باسمك ِهنه مالاتك

ماريد أبذر بالنظر
وأصرف الغيرك نظره
المفروض عيني بس الك
يا بعد قلبي وعمره

اتمنى تبقى اوياي
وتحبني حب اهواي
إنت بالنسبة اليه
أغلى من كل دنياي

ماعندي اهم منك
يالبيتي بس حضنك
صدقني أوعدك للأبد
ما أبتعد عنك

نزاكه وكلك اتجنن
امان حضنك ايطمن
اريد اوياك ياعمري
أعيش أطول وقت ممكن