خسرتيني

صدق ظنّي وزرتيني بعد ما طول غيابك
بعد ما هانت أيامي على عمرك ذكرتيني
بعد ما أنكرك وقتك عرفتي قيمة أحبابك
بعد ما استيقظ إحساسك وتفكيرك فقدتيني

بعد ما تاهت دروبك وكحّل الحزن أهدابك
بعد خذلانك إحساسي بدمعاتي بكيتيني
بعد ما ضاعت أحلامك وضاع الشوق بأسبابك
بعد ما حطمك يأسك بعد يأسك رجيتيني

تحسبيني على خبرك أموت وأحيا بك
أنا لو ما نسيت الود ما أنسى إنك خذلتيني
وكيف يسامحك جرح السنين ورحلت أعتابك
خسرتي كل شي أدري ومع هذا خسرتيني