حاسة بسعادة وفرحة ليها طعم تاني
وموافقة يبقا الجاي في عمري مش عشاني

ياه ع اللي نور دنيتي وخلاها جنّة
ويعيش ويكبر بين إيدينا سنة سنة
وإسمع بصوته الحلو ده كلمة يا ماما
اللحظة ديا أنا عشت بستناها ياما

ياه إحساس جديد حساه ووشيفاه
ياه على كل أم في دنيتنا
وأنا بصلي بدعي تملي
يارب خلي أمي حبيبتي

وعرفت ضحت قد إيه دلوقت أمي
وسهرها لنصاص الليالي شايلة همي
هعيش حياتي كلها أرد في جمايلك
وفي كل أكلة حلوة أقول تسلم عمايلك

هعيش حياتي كلها أرد في جمايلك
وفي كل أكلة حلوة أقول تسلم عمايلك
حنيتك دي عندي بالدنيا وما فيها
نعمة وبحمد ربنا دايما عليها

ياه إحساس جديد حساه ووشيفاه
ياه على كل أم في دنيتنا
وأنا بصلي بدعي تملي
يارب خلي أمي حبيبتي