تبيه

تبيه تحت الليل
وسياط النظر والخوف

تبيه
والميعاد عيا ينتظر ملهوف
تبيه والساعة دهر
ما مر
ما أرسل خبر

تبيه
ما ملت وظلت تحتريه

كل الوفا شفته على ذاك الرصيف
ذاك المسا
كل الجفا شفته على نفس الرصيف
نفس المسا
كانت تعض إبهامها حيره
كانت تشب وتنطفي غيره
كانت تموت وتحتضر
وكانت أبد ما تنتظر غيره

آه يا قلبها مسكين ما تدري
أن الهوى سكين يجرح ولا يبري
وأن الوهم أحلى حقيقة في الغرام
وأن الحبيب اللي تبيه أحلام
آه يا قلبها هذا زمان صعب
يموت فيه الصدق ويعيش فيه الكذب
يا قلبها لا تنتظر
دور على غيره