بتغيب غيب براحتك ما جبرتك
تعرف مكاني لا بغيته تدله
ولا تحسب إني في غيابك عذرتك
بعض الغلا ما يستمر بمحله

أمنت بوفاك وندمت وكفرتك
مبدأ لقيت إن الخيانة تحله
كنك يمين وما قصدت ونذرتك
أحيان تنهي راحة البال زله

أعمى وردوا لي العيون ونظرتك
أثرك أبد ما تملي العين لله
كنت الظلام ويا هناي إن سهرتك
أثر السما غيرك نجوم وأهله

ما أكرهك منك اعتبرت وعبرتك
دوم التجارب توصلك للأدله
بيني وبينك عشرة ولا نكرتك
ماني من اللي ينكر بيوم خله