انثر شعرك
انثر شعرك ولبس الليل بشته
الليل ما خبرك بأنك وحشته
لو كان عاش اللي من الشوق عشته
الليل ما خبرك بأنك وحشته
لك لحظ قاتل لو بعينك رمشته
قلبي من إحساسك وحبك فرشته
الحسن عن غيرك من البيض حشته
قلبي من إحساسك وحبك فرشته
سريت في نجوى غلاك وغبشته
لك حب في قلبي وضلعي نقشته
انثر شعرك ولبس الليل بشته
لك حب في قلبي وضلعي نقشته
يا بدر وارسل للنجوم التراحيب
تدري غيابك يحزن الليل وتغيب
بتعذره لو كنت ما تعلم الغيب
تدري غيابك يحزن الليل وتغيب
كنه تقاضى للمهلهل عن كليب
وإنت المقيم وفيه أغلى المعازيب
ولا كفاك وزدته الفخر والطيب
وإنت المقيم وفيه أغلى المعازيب
ونور الضحى كنه كرامة مواجيب
نقش الصخور العاليات المراقيب
يا بدر وارسل للنجوم التراحيب
نقش الصخور العاليات المراقيب