الليلة الجلسة معك وصفها غير
وإنتي وصوفك غير ما هي وصوفك
حتى كلامك كان كله معاذير
والليلة أصغر همك أكبر ظروفك

كنتي تخافين الوصل والمقادير
والليلة أخجلتي بوصلك طيوفك
نفرض وثقتي بي على أقل تقدير
طيب من ظروف الزمن وين خوفك

معقول شعرك اللي يفل ويطير
معقول هاللي يطرحنه كفوفك
معقول خدك هل أزهر نواوير
معقول هاللي يجرحنه سيوفك

ماني مصدق كل ما حولي يصير
لحظة بصد شوي وأرجع أشوفك
إي والله إنتي صدق ما هو بحد غير
إي والله إنتي صدق هذه وصوفك