قاطعٍ درب الخطر والله حماني
من هوى الريان لنجد العذية
والرفيق الليل معي ذرب المعاني
صاحبي وإن صحت به يا حي حيه

جيت له والشوق يحداه وحداني
نيته شوفي ولا لي غير نيه
حسبي الله حظي العاثر رماني
بين شوق وبين روحٍ مستحيه

قلت وين الوعد يا البرق اليماني
قال أنا وعدي معك بالفيصلية
ما قدرت القرب مير الله عطاني
يوم شفته نار في صدري لضيه

ساعةٍ مرت تقل خمسه ثواني
حلم ليلٍ مر والفرقا بليه
غاب وأثر عيون خلق الله تراني
ولا عليه من العذول ولا عليه