أنا عارف إني بحلم
والحلم جميل وبيحلالي
قال إيه قاعدة جنبي والناس
شايفاكي وحاسداني
ما هو طبعاً
ما إنتي قمري ونوري وضلي وأمالي
ونفسي أقولك كدا من زمان

دا أنا كل ما أغمض عيني
ألاقيكي جاية من بعيد
لابسة الفستان الأبيض
والمزيكا تقول وتعيد

وألاقيكي بتضحكيلي وبتقوليلي
بقينا لبعض
وألاقي دقات قلبي
من كتر الفرحة تزيد
وألاقي لمة وأحلى دمعة
من عيون فرحانة

ما خلاص العين هتنام
بعد ليالي كتير سهرانة
وألف أوري الشبكة
ودي ربكة ما جت على بالي
وألاقي الناس بتغني بصوت عالي

إسم الله عليهم
عيني عليهم ربنا يحميهم
وتملى دستة عيال
بيتهم وتطلع عنيهم
وتيجي الناس تطل عليهم
ويقولوا عقبالنا
من يطول يعيش في حقيقة
في زيها في الجنة

أنا بحبك
دايماً جنبك وعمري معاكي