يا سلام الله على اللي على جيله وحيد
من هنا لهناك لين العصور الأولية
أرفعوا بيرق هل العز والمجد التليد
وأذكروا الله ثم صلوا على خير البرية

إنتو عز الدار وإنتو ملينة الحديد
والسيوف المستسنه فخر نجد العذية
هم هل العوجا و بندر جعل عمرك مديد
يا وريث أهل المهمات وأهل المقدرية

الحرار الصيرمية ليا هدت تصيد
والنواميس بكفوف الحرار الصيرمية
غن يالعارض على اللي مطاليعه بعيد
بندر اللي فارقن حيل يا طيبه و حيه

سيدي تركي جعل فرحتك دايم تزيد
وإنت دايم في المعالي متعدي الجاذبية
وفي الحروف الأبجدية تعديت القصيد
وإنت يا طير السعد ما اوصفتك الابجدية

من بيوت الطين للسيف لأعناق الجريد
ومن صدر وادي حنيفة ومن فيه لفيه
ترثة معزي يا بندر وكل علمن فريد
لو ذكرنا بندر الخير شفناه بسميه

ولا ذكرنا العدل والجود والراي السديد
في جنان الخلد سطام والأمجاد حيه
وإنت وارث كل هذا بلا شك واكيد
بندر اللي تنطوي له الدروب الجرهدية