قدر حبك
والله قدر حبك يا أغلى الناس ع قلبي قدر
إني أمر دبي وعيوني تشوف وغارقه
لأني أشوفك في طموح دبي لحدود القمر
لأني أشوفك في النخيل وفي المباني الشاهقة
وفي طيبة أهل دبي القالك علامات وأثر
وألقاك مزن للغرام ولا يوقف بارقه
وأتنفسك عطراً تشاف دبي بأحضان الزهر
وأتأملك في دبي شمس للمعاني شارقه
لا تلوم قلبي لا استوى لك طير وأطرافك شجر
غرد على ذكرى السنين اللي تمضن وارقه
تجمح بي الذكرى جموح اللي محجل والأغر
وأروض أفكاري ونفسي كم تحن مفارقه
وين التفت ألقاك يا أغلى الناس من حولي بشر
وأكحل عيوني على طيفك ونفسي ضايقه
أنا أموت من البطا وأنا أموت من الصبر
يا أغلى من أنفاس الغريق اللي نسمه يفارقه
