اختلفنا عن زمان فرقنا فافترقنا
كل واحد فينا راح لحاله واتفقنا
إننا خلاص مش لبعض خلص طريقنا
لا إحنا أول ولا إحنا آخر ناس بعدنا

وبتمشي الحياة
بنعيش وبنعرف ونقابل
وبنضحك نسهر ونجامل
مفيش قصة حب بتكمل
مفيش فينا ولا واحد كامل
أنا بس في آخر الليل بضعف
أول ما أبقى لوحدي أنا بعرف
إن أنا مش هنساك بالساهل

قالوا مابتقفش على حد
الحياة وأنا حياتي موقفتش
بس معشتش يوم
زي اللي عشته وأنا معاك
في حاجات كتير راحت خلاص
مع غيرك منفعتش
فيه نسخة مني مش بعيشها
إلا وأنا وياك

هو قدرنا ولا إختيارنا
ولا اللي جرى كان إيه
يا ترى إنته برضه بتحس زيي
ولّا إنته عامل إيه
ولّا الكلام عن اللي فات
مبقاش يفيدنا
لا إحنا أول ولا إحنا آخر ناس بعدنا

وبتمشي الحياة
بنعيش وبنعرف ونقابل
وبنضحك نسهر ونجامل
مفيش قصة حب بتكمل
مفيش فينا ولا واحد كامل
أنا بس في آخر الليل بضعف
أول ما أبقى لوحدي أنا بعرف
إن أنا مش هنساك بالساهل