كل اللي من قبلك خلص راح ومضى
متل الحلم لمّا فقت فجأة نقضى
ما بدي غيرك من الدني إبقى معه
إدعي لربي إن غاب لحظة
إن غاب لحظة يرجعه
حسّيت حدك كيف بغفى ع الهدى
كيف الفرح طيرني ع أبعد مدى
حسّيت ما بدي أنا غيرك حدا
من لمستك غرق ورد
غرق ورد خدي الندى

إغمرني حبيبي لقلبك شد
نسيني الآسى
نسيني عتم الليل ع حفاف المسا
كل شي بلاك ما تكون بعمري
يا عمري إنتسى
بتفتح الأزهار لمّا بتلمسك

قلبي نسي حاله ع إيدين الهوى
صارت حياتي تضحك ونحنا سوا
نحلم ببكرة جديد ع وسع الفضا
تمشي معي إيد بإيد
إيد بإيد عمر الرضى

إغمرني حبيبي لقلبك شد
نسيني الآسى
نسيني عتم الليل ع حفاف المسا
كل شي بلاك ما تكون بعمري
يا عمري إنتسى
بتفتح الأزهار لمّا بتلمسك