أنا مش فاهمني
جوايا مليون ألف حاجة ملخبطني
أوقات بشوفني قد كل الدنيا دية
وأوقات كتيرة بستخبى جوا مني
أنا مش فاهمني
أزاي بعاند كل حاجة ومش هاممني
الناس تشوفني يقولوا عايش أهو بيضحك
مع إن الضحكة بتبقى طالعة غصب عني

أنا ما إتفهمش وما أتحكيش
وحياتي رحلة ما تتنسيش
بقع وبقوم كثير ولسّه برضو بحب أعيش
أنا جاي من تحت السنين طب واللي جنبي راحوا فين
أنا قد أي حاجة وعمري ما أتكسرلي عين

واخد مكاني
ومهما رحت أنا برضو برجع ليّا تاني
الدنيا ودتني وجبتني وما أتكسرتش
ومهما أشوف جوايا حاجة مقوياني

قلبي تعبني
عايش بحارب دنيا دايما بتحاربني
عارف عيوبي وعادي ممكن أعدها
بس الأكيد أني هعيش وهموت حاببني

أنا ما إتفهمش وما أتحكيش
وحياتي رحلة ما تتنسيش
بقع وبقوم كثير ولسّه برضو بحب أعيش
أنا جاي من تحت السنين طب واللي جنبي راحوا فين
أنا قد أي حاجة وعمري ما أتكسرلي عين