تذكرتك وأبي النسيان ألا يا خلي ساعدني
ترى مالي من الذكرى إلا ضاع الأمل خيرة

أنا ودي على الفرقا حبيبي لو تعاهدني
وإلى شفتك تصد ولا تجيب لما مضى سيرة

تخير غير هذي الأرض مكانٍ به تواعدني
تخير لك زمانٍ صعب أعرف في يوم تقديره

عسى الجرح الذي يدنيك أشوفه عنك يبعدني
أنا اللي أكرهك وأحبك شعوري صعب تفسيره

حسيبك يالهوى الظالم حسيبك لا تعاندني
بيلقى صاحبي غيري وبلقى في العرب غيره

أنا مالي بهالدنيا حبيباً عنه تنشدني
غريب الدار لا ربعٍ ولا خلٍ ولا ديرة