أعتذر وأجيك

أعتذر وأجيك لو إن الخطأ ماهوب مني
إنت قلي من يزعل وجهك المملي رحابه

ياحبيبي كان ما أرضاك الغلا والعذر عني
مستعد أخلي الدنيا تتعذر بالنيابه

جيت من زود الوّله والشوق لرضاك أمتعني
وإن بغيت العمر يفداك أخره وأول شبابه

ابتسم لي لا يبعدك الزمن ويخيب ظني
إنت وجه أحمد اللّٰه فيه وأخشى من غيابه

جابك الله من بعد حلم ومسافات وتأني
يا منى وقتي وحلم ما أصعبه والله جابه

من يقول اليا تمنى شي ما فاد التمني
أمس أنا متمني طيفك وجا حضرة جنابه