غرتني الأيام بقبالها يوم
وأثر النكوفة عند الأيام عجلة

جتني لياليها على دف ونغوم
وأثر الليالي بالغرابيل جزلة

فرحة نهارٍ عقبها ليل وهموم
من يوم جد البعد محبوب وصله

فرقى الضحى تسهل على باقي القوم
لكن على الخلان ماهيب بسهله

ما همني بعد المسافات معلوم
لا شك بعد القرب للصب قتله

راعي الهوى من راحة البال محروم
قربه وبعده نار ما ينعرف له

عز الله إني في ظبي نجد مغروم
راعي العيون اللي مع الزين خجله

من حبهم كني من الحب مظلوم
ونفسي عليهم يا هل العرف وجله