أشر بعينك مو ضروري تكلم
ولا بعد حتى تحرك يدينك
كلٍ على تنفيذ أمرك تولم
يامن يغار الورد من وجنتيك

اللي يعرف الذوق منك تعلم
واللي أشتهر بالزين به ربع زينك
وحتى القمر من يوم شافك تظلم
يضيع نوره لا تبيّن جبينك

أنا ترى جيتك لحسنك مسلم
وعقلي وقلبي كلهم عاشقينك
سلم تراني جيت يمك أسلم
يميل قلبي كان صافح يمينك

أبد أبد ما هو ضروري تكلم
وإذا لزم حاجه ف أشر بعينك
أبد أبد ما هو ضروري تكلم
وإذا لزم حاجه ف أشر بعينك