أحتفظ فيني لنفسي
م أحتاج أنا منهم أحد
ليه أشاركهم بشمسي
حتى ظلي ليه بعد

تعودوا دايم أسامح
شوهوا بعيني الملامح
ولا حظي كان طايح
يشبهون لبعضهم

ليه أسكت عالألم
وأنا قادر أبتسم
لين يأكلني الندم
وأنا داري إني قوي

بعطي مثل اللي خذيت
حتى لو توصل قسيت
لي أنا توي صحيت
بوقف بوجه الشعور

خاطري يسوى الكثير
والعمر عمره قصير
بحجة إن قلبي كبير
ضاع وقتي بينهم

أحتفظ فيني لنفسي
ما أحد يبقى لأحد