شي غريب
ماني قادر أفهمه
وأستوعبه
يا حبيبي
وشكثر هالأسئلة والأجوبة
شي غريب

منخطف لونك وشكلك
حتى صوتك مختلف
مرتبك مشغول لاهي
النبض في قلبي وقف
قول ريحني تكلم
في غيابي شاللي صاير
أنا كل لحظة أتألم
أنتظر لا ماني قادر
شي غريب

كل مرة تروح عني
أحس روحي تروح مني
أنا من لي في حياتي
غيرك إنت يا حياتي
كل شي ضاع بغيابك
حتى أنا ضعت مني
شي غريب

يا خساره خاب ظني فيك
يا أغلى الناس عندي
ما حسبت إنك أناني
لا تحس ولا تعاني
حتى قلبي آه يا قلبي
للأسف ويّاك ضدي
شي غريب