خاطرك غالي أمانة لا يضيق
ما يهم الكون فدوة خاطرك
إلا مريم إلا روحي والرفيق
ما بي بسمة غير بسمة ناظرك

ما نسيت الحب والقلب الرقيق
خابرٍ ضحكة عيونك خابرك
طول عمرك وأنت لي شمس وطريق
مخلصة من أولك لين آخرك

الخطأ بحرٍ وأنا اللي به غريق
أتمسك بك وربي يأجرك
نختلف أوقات لكن ما أطيق
الزعل عندك يطول وعاذرك

ابشري بي باللي يرضيك ويليق
أمري بين يديك من هو يأمرك
الذهب يبقى ذهب لو هو عتيق
واللي أغلى من ذهب هو خاطرك