قلب أبوك

مبروك يا أغلى من الدنيا وما فيها
إنتي قصيدة وقلب أبوك قايلها

في ليلة أغلى البشر مدري وش أهديها
قطعة من الروح ف أقصى القلب شايلها

عندي لبنتي وعد ف أغلى لياليها
زحمة مشاعر ولا أدري كيف أوصلها

بنتي تزيد الشعر لو ينكتب فيها
وعد قصيدة فخر ربّي مكملها

من صغرها لا مشت تزهر مواطيها
تكبر ولا أحد على قلبي يطاولها

بنتي وأزعل لها الدنيا وأراضيها
تأمر بكلمة قبل حتى تكملها

الغيم يوقف لها لا مر طاريها
كنه يوصي المطر ينزل يدللها

وعد وتعني الحياة بكل ما فيها
جنّة أبوها وفرحة عمر يأكملها

مبروك والله يا ضحكات مرابيها
في قلب أبوك وورى جوفه منازلها

الله يبارك لسلمان ويهنيها
وعد هي الروح ما شي يعادلها