معذور ياللي تعتذر بالمعاذير
حاشاك يا سيد العذارى أتعذر
قدرك علي يا سيدي كل تقدير
مقدور قدرك في الغواني تقدر

يا زين طبعك يا أمير الغنادير
طبعاً إذا جت اللوايم إتأثر
مثل البنفسج الورود المزاهير
يزها بها قلب مداويه تقطر

كل القصايد صورت فيك تصوير
كل الشعور لك يا وليفي تسخر
وصف البراءة يوصفك بالعصافير
كنك تحت وسط الخميلة تسجر

يا صاحبي ما جد لي عنك تفكير
خلك على خبري وفيني تفكر
أدري في قلبك يا وليفي تعابير
تدري في قلبي مثل قلبك وأكثر