لحظة غروب الشمس وشروقها الجميل
لما القمر يسهر في أحضانك يا ليل
لما بأشوف البحر وبأشوفك يا نيل
بحب أغني بحب أغني

لما الشتا بيرجع ومعاه الذكريات
بسهر أفكر في اللي عدى وفي اللي فات
وقت الألم والفرح وفي كل الساعات
بحب أغني بحب أغني

صوت الطيور الطيور فوق الشجر مغنى
صوت البحور والهوا صوت المطر مغنى
صوت الندى لو لمس خد الورود مغنى
خد الورود مغنى

كل الحياة دندنه ألحان بنسمعها
بتسيب كتير ذكريات بنعيش نجمعها
حتى البكاء ناي حزين وفي جرحنا مغنى
وفي فرحنا مغنى

ده كل حد فينا جواه في تكوينه
كمنجة تعزف ع الألم وتغني لجروحه
واللي ما داب في الغنى ده ربنا يعينه
عمره ما هايشوف الجمال ولا يلمسه بروحه

صوت الطيور الطيور فوق الشجر مغنى
صوت البحور والهوا صوت المطر مغنى
صوت الندى لو لمس خد الورود مغنى
خد الورود مغنى

كل الحياة دندنه ألحان بنسمعها
بتسيب كتير ذكريات بنعيش نجمعها
حتى البكاء ناي حزين وفي جرحنا مغنى
وفي فرحنا مغنى

لحظة غروب الشمس وشروقها الجميل
لما القمر يسهر في أحضانك يا ليل
لما بأشوف البحر وبأشوفك يا نيل
بحب أغني
وقت الألم والفرح وفي كل الساعات
بحب أغني