ما قدرت أنساك ورجعني الحنين
من يقول القلب عافك خاطره
لو أنا بنساك بس في حالتين
لين أموت ولو فقدت الذاكرة

لك محبه ما تغيرها السنين
والمشاعر في غيابك حاضره
مدري هذا الحب ماخذني لوين
جعلني افداك دنيا وآخره

كيف يا جافي في حبّي تستهين
تترك المفتون بك وتهاجره
إيه أنا ضايق ومن دونك حزين
روحي تتألم ولكن صابره

إيه أنا اشتاق لك في كل حين
إنت حبّك ما هو غيمه وعابره
فرحتي وياك وبك عمري يزين
تملي الدنيا سعادة غامره