طرف جفن عيني لمكحولة العين
عيني أيقظت فيني من الشوق ما كان
خيط الولع خلاني أتبعك يا زين
وخيطً جذب في خاطري حر وجدان

راح الفكر ينظم من الشعر بيتين
شاقه بنظم الشعر مرسوم الأعيان
شفت الحلا فيها يوصف بوصفين
وصف الحسن ووصفٍ يبين لها شان

يا ظالمة غضي من الطرف تكفين
لا تودعين النفس لبيض الأكفان
يا ماخذة بلا عطا للبعد وين
توني معك شفق ما ذقت سلوان

الله أكبر ليتني معك وقتين
وقتٍ تعيش النفس بك حلو الأزمان
وقتٍ نهاره ليل والعين بالعين
أسهر ونومي ما يعارض لي أجفان

أسهر بليلي والقمر وجهك الزين
منور حلى ويكسف حياء غادي ألوان
فيني من الوجدان والشوق حملين
عسى خفوقي يشمله منك الإحسان