يا سارق القلب رد القلب لي رده
لا تروح عني وقلبي في سجن عينك
اختار يا ترد قلبي لي أو توده
في الحب حكّم قلبي بيني وبينك
راشد الماجد

من يسرق القلب لا يمكن لك يرده
ياخذك كلك ولا تدري معه وينك
حتى الإحساسيس تلقاها وسط يده
بس يترك الشوق والدمعات في عينك
بلقيس فتحي

من يوم شفتك وقلبي مد لك يده
والعين ذابت في روعة حسنك وزينك
فصلت قلبي على الحب وطلع قده
وحطيت قلبي أنا في راحة يمينك
راشد الماجد

من ود ودك وودك في الهوى وده
لا تخلي البين يبني بينه وبينك
ما حد حدك ولا أحد في الغلا حده
زان بخفوقك وزان بخافقه زينك
بلقيس فتحي

بنيت بك حلم يا المحبوب لا تهده
وأجمل سنيني تغني لأجمل سنينك
حتى المكان اللي شفتك فيه من مده
اسأله وينك وهو يسأل بعد وينك
راشد الماجد

درب الهوى صعب لو بتحاول الرده
درب ينسيك في الدنيا عناوينك
يسعدك لكن يسم الحال ويهده
والورد والشوق ينبت في بساتينك
بلقيس فتحي

حطيت لك ألف عذر وقلت لك رده
لا تخيب الظن لا تخذل محبينك
للحين صابر وإذا صبري وصل حده
سلم على قلبي اللي في سجن عينك
راشد الماجد

لو الزمن يوم وقف ضدك وضده
حاول تصده ولا تترك محبينك
لا ترخي حبل الغرام وترجع تشده
لا تسمح لأحد يدخل بينه وبينك
بلقيس فتحي