ماني مصدق إن قلبك خانني
لا جت على بالي ولا توقعتها
يمكنها صحوه من الله جاتني
وأشوفها بالفعل جات في وقتها

جربت نسيانك وربي عانني
لين أستراحت نفسي اللي أوجعتها
وما دامك أخترت الفراق ودامني
لك حافظٍ عشرتك ولا خنتها

أقول عل يصيبك اللي صابني
وتذوق من طعناتك اللي ذقتها
حتى يضيمك وقتك اللي ضامني
وتعيش نفس الحالة اللي عشتها

وما أطرد ورا المقفي ولا من باعني
لك كنت نعمه بس ما قدرتها
وإن فاتك قطار العمر ما فاتني
حتى لو أشيائي الجميلة خذتها

المسألة أكبر كثير إن كانني
على حسب قسوتك أنا حسبتها
حتى ولو شوقي لدربك جابني
ينبيك عن حزن الأماكن صمتها