لربما لو هزك الشوق بتجين
وتعاندين ظروف وقتك يا ترى
لربما بعد الغياب بتسألين
وإلا زماني ما على بالك طرى

آواه لو تدرين عن بعض الحنين
والشوق لا منه تجبر وافترى

في كل يوم أقول بكره ترجعين
بكره معك غايب وشكله ما درى
والدمعة اللي وقفت بعيني سنين
من يوم ما غبتي وعيني ما ترى

آواه لو تدرين عن بعض الحنين
والشوق لا منه تجبر وافترى

إلى متى وأنا أحتري قلبك يلين
والناس تتقدم وأنا أرجع ورى
تنازلي عن كبريائك للحزين
اللي على أهدابك من اللهفة سرى

آواه لو تدرين عن بعض الحنين
والشوق لا منه تجبر وافترى

بعد الرحيل اللي قطع حبل الوتين
هو اعتراك الشوق وإلا ما اعترى
لربما لو هزك الشوق بتجين
وتعاندين ظروف وقتك يا ترى