في عز ما كنت أهوجس فيك وأفتحلك
أبواب قلبي خذتني رجلي لبابك
جيتك وأنا ما أذكر إني كنت رايحلك
بس أذكر إني كذا لا طول غيابك

ياما ترددت مدري كيف بشرحلك
أجيك وأرجع أبيك تقول وش جابك

يا أبن الأوادم ترى
مليت ألمح لك
أنا أعزك وأحبك وأعشق ترابك

لا ضقت أضيق ومتى ما تفرح أفرحلك
ولا غبت أموت ومتى ما شفتك أحيابك
إن كان ودك ترسيني على كحلك
لميت عمري وخاويتك على أهدابك

وإن ضاع مستقبلي مانيب سامحلك
يكفيني الماضي اللي ضاع بأسبابك

يا أبن الأوادم ترى
مليت ألمح لك
أنا أعزك وأحبك وأعشق ترابك