أشوف لي روسٍ تبي تلة رقاب
والروس لا من أينعت قطفتها يحين

وهذا الكلام يخط ويجمد على أشناب
إن ما نتفها الوقت ننتفهم الحين

يا عداي أنا حرٍ على راس مرقاب
لا حام شاف عداه دونه صغيرين

علمني وقتي عالحبر أنزل عقاب
وأحشم لحى رجالٍ عزاز ووفيين

شبه الرجال اللي من ظلالي تهاب
لا مر زولي قل لهم بين قوسين

راس النعامة لو تذريه في تراب
يفضحها باقي جسمها ولازم تبين

ولا الوفي أفتح له ضلوعي كتاب
هذاك شرعي وهذي عندي القوانين

به ناس غايتها تفاخر بالألقاب
وبه ناس تفخر فيهم الألقاب وتزين