ما أبي كذبك تمنيتك صريح
لا تقول أقوى إذا ما كنت تقوى
لو جبرك الوقت من عيني تطيح
طيح من عيني على أشياء تسوى

من عرفتك وأنا ماني مستريح
حالتي وياك بلوى في بلوى
كانت الهقوى أشوفك هب ريح
للأسف ما باقي بالقلب هقوى

ما أبي منك بعد ذمك مديح
الكلام أحيان ما منه جدوى
روح عني حتى لو قلبي جريح
صفحتك ماضي ولابد تطوى

في المحبة ما يصح إلا الصحيح
إما تهوى صح وإلا لا تهوى
لو جبرك الوضع من عيني تطيح
طيح من عيني على شي يسوى