ياما حاولت الفراق وما قويت
كنت أبي أنساه لكن ما نسيت
ما عصاني قلبي بعمره ولكن
الأكيد إني أنا اللي ما اشتهيت

التقينا بليلة من ليل البعاد
والهوى والحب في القلبين عاد
قلت له ما غيّرك بعدي حبيبي
قال حبك ما تغير إلا زاد

صرنا نسترجع هوانا واللي فات
وإبتدت ترجع لبسمتنا الحياة
قلت له وشلون فرطنا بهوانا
قال لي إنسى ترى اللي فات مات

مر طعم البعد وإحساس الغياب
الدقيقة طول شهر من العذاب
طالبك ما أبي نكررها حبيبي
ليه نفتح للحزن والهم باب