أنا ما اشير بالفرقا ولا أحدك على المقعاد
تخير في طريق الوصل والا درب هجراني

حرام الوصل ما يجمع قلوبٍ عن هواها بعاد
وشوق البعد لو عذب يجمع بين خلاني

تحسب إن الهوى ضحكة ثواني عشتها ف ميعاد
إلى ما رحت تنساه وتنسى الوعد وتنساني

ألا يا صاحبي الرفقة ترى ما هي ثياب جداد
تغيرها متى مليت وتلبس غيرها ثاني

إلى ضاع الوفا ما به هوى بارجيه أنا ووداد
ترى ذا الفرق بين أصدق صديقٍ وبين عدواني

تحاكيني بطرف لسان وهرجي من صميم فواد
وتاقف من بعيد ويم درب الموت تنخاني